Plantun de Prouvènço

Pèr coumpara dos planto d'encò nostre

Oenothera pycnocarpa & Spergula marina

Rougeto(-di-gros-fru)

Oenothera pycnocarpa

Onagraceae

Autre noum : Erbo-dis-ase.

Nom en français : Onagre au fruits épais.

Descripcioun :
Aquest Oenothera èi lou mai grand, que pòu faire mai de 2 mètre d'aut. Flouris tre la fin de juliet e fai pas, pèr lou gènre, de flour forço grando. Li fueio soun en formo de lanço e di proun noumbrouso proche l'inflourejado. Li sepalo soun peludo (fotò).

Usanço :
La rougeto nous vèn d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.

Port : Grando erbo
Taio : 0,8 à 2,5 m
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Oenothera
Famiho : Onagraceae

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Mar - Sablo
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Oenothera pycnocarpa G.F.Atk. & Bartlett, 1913

Espargouto(-de-mar)

Spergula marina

Caryophyllaceae

Autre noum : Praussèli.

Nom en français : Spergulaire marine.

Descripcioun :
Aquelo espargouto trachis dins li relarg sala en ribo de mar. Es uno planto proun chanjadisso dins sa taio, la presènci o noun de péu, ... Se destrìo de sa cousino, Spergularia media qu'a li petalo pu courto que li sepalo e lis alo di grano proun dentado (fotò). Li flour soun peréu mai pichoto (< 4 mm) coume li fru. De nouta que i'a 1 à 6(8) estamino. Coumpara emé l'espargouto-maritimo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Spergula
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun
Remarco : Planto de coustiero

Liò : Mar - Sansouiro
Estànci : Termoumediterran à Mesoumediterran
Couroulougi : Bourealo
Ref. sc. : Spergula marina (L.) Bartl. & H.L.Wendl., 1825 (= Spergularia salina J.Presl & C.Presl, 1819 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oenothera pycnocarpa & Spergula marina

ges

Coumpara Rougeto(-di-gros-fru) emé uno autro planto

Coumpara Espargouto(-de-mar) emé uno autro planto